前天晚上，老娄正一边吃晚饭一边看着体育新闻，友人小w来电。

W：阿哥啊，侬新闻看到了伐？足协评议讲申花队客场对梅州个比赛，有一只进球应该判越位犯规在先。就是小朋友刘诚宇只进球，应该判进球无效。

我：我正好勒嗨看呀。。。评议组一致认为：上海申花队踢出角球，之后4号队友头顶球时，上海申花27号队员处于越位位置，并且与对方队员持续进行拉扯，影响了对方队员处理球的能力，按照竞赛规则，应视为在越位位置干扰对方队员的越位犯规。上海申花队越位犯规在先，进球无效。VAR必须对此越位犯规进行查看和介入。裁判员判进球有效的决定错误，漏判越位犯规。VAR未介入错误。

W：就是搿条内容，迭个算啥意思啦？要取消申花队搿只进球？

我：哪能会得取消搿只进球？迭个侬想了太多来。。。比赛结束了，已经定下来个结果已经勿可能改变了。。。足协迭个评议结果只是为了向社会公众解释一下当场比赛个裁判有啥工作失误伐，讲了难听点就是监督劳动呀。。。哈哈哈。。。

W：个么阿哥侬觉着足协搿份评议结果讲了对伐啦？

我：兄弟啊，侬迭个是帮我挖只坑让我跳下去啊，是伐？

W在电话那头“嘿嘿”。。。

我继续：Ok，佴阿哥我反正也面皮厚，弗怕拨人家戳轮胎！进球过程我看下来么觉着有两点：一，主裁判当时个站位看勿清爽，但是巡边员应该看了非常清爽，为啥呒没举旗？是看球勿看人？还是一记头脑子别牢规则记勿清爽了？还是习惯性觉着反正有VAR抄底，自家勿举旗也勿搭界？两，VAR裁判花了交关辰光，居然看勿清爽申花27号陈晋一处于越位位置？难道大家看个勿是同一场比赛？？？

W：有道理！cn，现在搿眼十三点裁判，尤其是巡边员，侪觉着有VAR抄底，第一辰光侪勿肯担责任！！！VAR么也是水平坍板得来，几只慢镜头翻来覆去穷看，啥么事也看勿出来！我勿是瞎讲啥，我去看肯定也比伊拉几只戆大看了准！！！阿哥侬相信伐？？？

我大笑：哈哈哈，我看好你哦。。。不过呢，寻开心归寻开心，阿拉讲讲老实闲话，越位判罚是有难度呃，因为啥？因为足球场廊越位线是虚拟个，而且是来回移动个，是需要靠大家个空间想象能力来画线呃。。。

W：搿个倒是真呃。。。

我：回到申花队迭只进球，开角球个辰光勿存在越位，随便侬陈晋一立了啥位置，对伐？但是，角球开出来到4号蒋圣龙冲顶个辰光，越位就可能出现来。个么迭个辰光巡边也好，VAR也好，就要快速判断：一，有勿有进攻方球员处于越位位置。两，处于越位位置个进攻方球员有勿有介入到蒋圣龙个头球攻门过程。所以，侬看足协评议报告里厢，最后个结论老清爽呃，巡边员交VAR喫生活就喫了此地。。。

W：个么，阿哥啊，有啥解决办法伐啦？

我：解决？迭个需要问国际足联来。。。拨我讲起来老简单呃，请国际足联个老爷们到美国人nfl、mlb两大联盟去取取经！一，允许比赛当中双方主教练挑战裁判判罚，每半场可以挑战一趟。两，为了让现场裁判，尤其是两个巡边员勇敢担当，设立专门个VAR回看中心，覆盖每一轮联赛个所有各场比赛，有挑战再介入。哈哈哈，弄觉着哪能？？？

W愣了好一会儿：阿哥啊，侬迭个手笔太大来，国际足联听了要撅到呃。。。

我大笑：所以阿拉侪是白天白讲夜到瞎讲呀。。。