玉郎周記
我的新作
各位老友記，介紹返《神兵玄奇修藏本》、《天子傳奇修藏本》、《天龍八部修藏本》，好夠份量，重典典的，扑一嘢真係會暈，哈哈哈！
復刻三部經典，銷量估唔到咁好，原來有一半係內地老友記買嘅。
進入蛇年，好多計劃要進行，首先講出書計劃，考慮會出多一本修藏本，至於揀邊本我嘅作品出呢？研究中，大概一、兩個月內有决定，落實就會宣佈。到時四本月刊，每個星期一本，等如修藏本出周刊，哈哈哈！
修藏本真係好靚好正，好好睇，對比之前薄裝港漫版時期，無論印刷質素，加厚靚紙，色彩都靚好多，好值得珍藏，我自己得閒無事都會翻閱又翻閱，回味一吓。
另外我有一套新作品，已經畫咗五、六期，每期百幾頁，因為接手龍虎門，出版《金龍》，唯有暫時擱置下來。
呢套新作品，畫風好得意有趣嘅，幾另類，唔係一貫港漫風格，又有港漫嘅優點，計劃不用港漫書度size，會係近似修藏本size，好希望趕順《金龍》，有咗存稿，就會重新去編排我呢部新作品。
自從執筆龍虎門，起稿，構思創作，已操到好熟練，我亦會將新作從頭再執一次，務求令故事情節，人物造型，再度優化，强化，以最正斗嘅水準同各位見面，大家拭目以待啦！
我希望在今年六、七月之間推出，到時敬請大家多多捧場！！

我看哪吒2
又同大家講吓一件好開心嘅事，就係我哋祖國出咗一部動畫電影《哪吒2—魔童鬧海》，嘩，只是中國票房紀錄，截至3月4日，已經超過143億人民幣(未計海外票房)，成為全球動畫電影冠軍👍🏻
《哪吒2》驕人成績，證明現在國內動畫電影市場非常蓬勃，對我們漫畫人和動畫人是個非常好的消息。
《哪吒2》為國爭光，最大功臣，非導演「餃子」莫屬，這位年輕人真厲害，第一集《哪吒》已有50幾億人民幣票房，估唔到《哪吒2》仲犀利，成為世界冠軍紀錄，認真叻仔。
《哪吒1》我睇咗3次，《哪吒2》香港已經上映，我起碼會睇3次，非常優質嘅動畫電影，真係值得一睇再睇，再三好好欣賞👍🏻👍🏻👍🏻

#漫画##玉郎漫漫king##天子传奇##神兵玄奇##神兵玄奇外傳##大圣未来##天龙八部##金著龍虎門##金龙##黄玉郎#