从上周开始，全世界都在关注天使之城洛杉矶的大火。当然，每个人的关注点各有不同。

前两天，在饭局上，老娄身边就有朋友关注到大火对三年后洛杉矶奥运会的潜在影响。

A：娄啊，搿两天洛杉矶火灾个新闻侬看了伐？吓人哦。。。从山廊一直烧到山下，烧个侪是好房子，作孽。。。

B：是呀，我微信朋友圈里厢交关人转发文章啦图片啦，看上去就像世界末日一样。。。而且还有文章写阴谋论观点，讲啥一把大火烧好，2028年奥运会个场地侪空出来了。。。老娄侬美国去了多，侬讲讲看呢？

我：啊？？？一把大火掿奥运会场地侪空出来？？？迭个搭啥界啦？？？一看就是勿懂，洛杉矶办奥运会还需要圈地造啥新个场馆？洛杉矶历史上已经办过两届奥运会，阿拉小辰光看1984年奥运会直播还记得伐？当时就是洛杉矶呀！人家现成个场馆随便掿眼出来就足够来。。。

A：啊？美国人办奥运会真个勿需要造新个场馆？勿会伐？奥运村总归要造个伐？

B：还有媒体中心，奥林匹克公园，勿可能全部侪用旧个场馆伐？

我：我只好讲像洛杉矶纽约迭种大城市，现成个场馆肯定是足够用呃。。。喏，正好手机廊厢查了一查。。。比如讲，1，洛杉矶纪念体育场，观众容量77000人，属于南加州大学，历史上已经办过1932年1984年两届奥运会开幕式，接下去就是第三次举办。2，玫瑰碗体育场，观众容量90000人，属于加大洛杉矶分校，历史上办过1994年世界杯决赛，1999年女足世界杯决赛，接下去2028年将承办奥运会足球比赛，包括1/4决赛半决赛决赛。。。还有佴两位刚刚问到个奥运村和媒体中心，我此地查到呃是奥运村就摆了加大洛杉矶分校，媒体中心摆了南加大。奥运会举办个日期是2028/7/14--7/30，正好是学生放暑假个辰光，大学校园啦、学生宿舍啦全部空了嗨。

B：个么其他场馆呢？洛杉矶湖人老啥几支职业队个场馆也要掿出来派用场个咯？

我：对额！奥运会举办个辰光正好也是NBA篮球、NFL橄榄球、NHL冰球赛季休息个辰光，所以像洛杉矶湖人洛杉矶快船洛杉矶公羊迭眼职业球队个主场全部可以来承办奥运会个比赛。

A：娄啊，美国人真个就是搿能介办奥运会啦？稍微有眼寒酸了伐？一点腔调也呒没。。。

我：哈哈哈，迭个生活么大家见仁见智了。。。反正美国人一年到头体育比赛勿得了，现成个体育场馆平常就利用率极高，承办各种比赛个经验也是现成个，真个是呒没必要再专门造啥新个。而且伊拉有几只场馆还是蛮新个，像洛杉矶公羊队个主场sofi stadium，70000人个场子2020/9开放使用，2028年奥运会将承办游泳比赛和闭幕式。阿是足够用了啦？