玉郎周記
踏入2025年了，新年頭，總該立下目標，到年底看看能否達成，其實都係事在人為啫！
第一項：減肥！我現在體重已飛昇至——174.6磅，是我的歷史新高……朋友都笑我——「下個月生得囉噃！」，即係話我個肚似懷胎九個月了……！真係吹到我啤一聲！
所以我下定決心，由2025年1月開始，每月減3磅，連減7個月，變返153.6磅，大肚腩肯定會消失了一大半，到時再考慮是否練番出6嚿腹肌，哈哈哈……我40年來都冇六嚿腹肌，係咪妄想症發作呢？
只要回復到153.6磅以下，肯定唔會有「三高」，健康繼續有保障！
第二項：《金龍》要有兩期存稿。
《金龍》第一期開始本來有一期存稿，但迅速「消失」了，只因太多事務要處理，加上重新執筆編繪未上力，存稿迅速「沽清」，於是乎在兩個旅程中處處是畫枱，工作效率大打折扣，咪話唔懨悶，每逢星期二晚睇最後彩稿，都搞到凌晨3、4點，印刷廠也等到呱呱叫，我和手足們都變晒熊貓……所以現在閉關，咬牙切齒趕過年孖寶版，之後再鼓勇砌多兩期，3個月內達成2期存稿，咁就天下太平，可以撚到最高質素，放假也玩得開心好多呀！
目標是2個，愿望是一個 ——

祝愿我和家人親友們and老友記們，身體健康快樂，萬事如意哈哈哈！

#漫画##玉郎漫漫king##天子传奇##神兵玄奇##神兵玄奇外傳##大圣未来##天龙八部##金著龍虎門##金龙##黄玉郎#