玉郎周記
又到聖誕🎼又到聖誕🎶🎵
又是聖誕佳節——又是親子時刻，今年為小朋友們攪個大大哋嘅聖誕Party，有室內和室外兩個遊玩場地，幸好天公做美，不下雨亦不很凍，小朋友在室外玩得好開心，家長大人們燒烤飲酒，吹水吹過不亦樂乎。
20個小朋友，跑、跳、碰、滑、打機，玩過不亦樂乎，盡情放電，大擦火雞聖誕餐，個個肚仔漲漲，更開心是有抽獎節目，每個小朋友平均有1.5份獎品，當然是玩具啦，我這聖誕老人負責派獎品and拍照留念……小朋友們都是5、6歲左右，看見我這「聖誕老人」，真是又驚又喜，……「乜原來真係有聖誕老人㗎？！」「係Uncle Tony 嚟㗎！」「肚腩好大啊，好好拍。」
看見一眾小孩的歡樂笑臉，自己也開心透了！
由下午4點玩到晚上9點，所有大人，細路都盡興而歸，只剩下幾個「酒友」唔夠喉，暢飲到12點才散BAND……其實都係唔夠喉，因為平時要飲到二、三點才滿足，今回已是「早收工」了，哈哈。
一個挺愉快的聖誕節🎅🤶🧑‍🎄

#漫画##玉郎漫漫king##天子传奇##神兵玄奇##神兵玄奇外傳##大圣未来##天龙八部##金著龍虎門##金龙##黄玉郎##甲子情缘#