玉郎周記
哈哈，各位老友記，《金龍》面世，呢舖真係「打真軍」，做到跳舞，因為我身兼3職——編劇、主筆and總監製 ，Q咁多嘢跟，工作量都幾龐大，真係滴晒汗，所以星期六與日都要開工，雖然辛苦D，但開心嘅！
眾手足們都拚力拚到嘭嘭聲，各位老友記睇完今期後，覺得好睇嘅值得讚嘅，我和手足們分享，有不足或錯漏之處，請入我數，我扛！
今期燙金字，成本加重了，但粉絲實鍾意，也因為拉3頁兼燙金字，印刷程序繁複了，所以到星期四下午才發行到全港九報攤，下期正常返，可能星期三下午就可以發行到報檔，至於下期封面有乜攪作？⋯⋯請下期幫襯啦
仲有件事要致歉一下，8個特別版賀《金龍》出世，其中4個未出街已訂購一空，成為絕版，去各大書屋或者有機會買到，sorry！限量版係珍貴搶手嘅嘞⋯⋯
今期封面拉3頁，場面宏偉，英風凜凜，氣勢磅礴，極具珍藏價值，龍少功力何其深厚，令人眼前發亮！
龍少真係鐵人，除咗幫拖《金龍》設計封面和放大稿，更要開展新作《新龍神》，萬事起頭難，必需勁好睇⋯肯定諗到盡、撚到盡！
相信龍少呢輪每日瞓唔到3個鐘！（陰功咯⋯）
首先多謝龍少拔刀相助，並請保重身體，孝順粉絲呀，哈哈哈😄😄😄

忙裏偷閒，去出席《破. 地獄》的首映禮，兩大棟篤笑天王合作，拍一部唔搞笑的劇情片，真係夠晒特別，這部港產片很有內涵，揭生死之義，後人為先人辦喪禮之各種心態，有好幾個感動位，是一部很有誠意，拍得很好睇的電影，故此推薦生勾勾的你去欣賞一下，觀後可能對人生的意義有新的得着。

#漫画##玉郎漫漫king##天子传奇##神兵玄奇##神兵外传##大圣未来##天龙八部##金著龙虎门##黄玉郎#