電視劇大結局呢個老妝化得好好，如果冇喺影片度後期製作，純係化妝師嘅功力，真係值得一讚，完全好似係黎先生老咗嘅樣，人真係唔使怕老，只要老得優雅、老的健康，笑住嚟老 就係最好，希望青蛙仔將來都可以咁樣。

題外話係，好嘅化妝師真係可以幫到演出者，記得青蛙仔當日喺電視台演出，有一位化妝師咁橋兩三次都係幫青蛙仔化妝，佢好記得青蛙仔，因為青蛙仔條眉有好幾條白毛，佢淨係靠認呢條眉認得青蛙仔😅，佢好細心幫青蛙仔條眉掃返黑色，又將唔密嘅頭髮噴黑濃少少，確係令青蛙仔睇嚟年輕咗好多，好多謝佢。🙏