健身品牌perFIT接管舒適堡後正式宣布
熊黛林成星級代言人

弗爆體態靠運動養身：「任何年齡都可以靚」
醫美集團perFACE接管連鎖健身集團舒適堡（PHYSICAL），成立全新健身品牌perFIT，隨着perFIT的誕生與順利運作，perFIT榮幸地宣布熊黛林（Lynn）正式成為品牌星級代言人！Lynn曾擔任 perFACE 代言人超過十年，今次憑藉她的健康形象與完美身段，與 perFACE集團再度㩦手前行，成為品牌最佳代表。

Lynn 這次擔任 perFIT 的代言人，不僅是她與 perFACE 集團多年來合作的延續，她的健康生活方式和驕人的體態與全新品牌 perFIT 理念完美契合。Lynn 表示：「咁多年來無論肌膚及身型我一直都Keep得咁好咁Fit，全靠有 perFACE 星級專業團隊，幫我由內而外 keep 住最佳狀態，令我任何時候都可以散發獨特自信美。我哋宗旨係令到人靚，perFACE係令到個樣靚，而家連埋身型都要靚，成個人嘅氣質都要最靚。」

Lynn早前看新聞得知perFIT正式接管PHYSICAL的消息，相當感概，她說：「而家世界氣氛都唔係太好，有地方戰爭、環境、經濟不景氣，我哋都要有返啲正能量，我有睇新聞報導，知道perFIT嘅新聞，我同Kennis（perFACE 創辦人符芷晴）好熟，佢接管後一、兩個星期就同我傾代言嘅事，我一口答應，因為成件事好鼓舞，我已經唔係少女啦，結咗婚生埋兩個小朋友仲可以保持狀態，相信係每個人夢寐以求嘅事，要帶出每個年齡無論男士同女士都可以，好希望將呢個訊息帶畀大家。我自己都好鍾意做運動，我仲話要畀埋會藉我老公、我媽媽、所有親戚一齊去做，兩個女都要一齊去，哈哈。」

Lynn更表示無論甚麼年齡，保持身心健康至關重要，她更自爆現時十分養身：「而家要養身，除咗日常補品之外，運動更加係不可或缺。除咗去健身室，我屋企都有一部健身踏步機，一星期點都要郁4至5日，幾忙都要郁吓，唔郁個人會好攰、好腫，成身都唔舒服，運動完出身汗就舒服好多，當然有個地方畀我做運動緊係無得頂啦！以前我就會去健身室等老公，而家雖然唔會一齊做運動，但都各自健身保持身體健康，以前我就會練線條，而家照顧屋企冇雖然冇咁多時間，但唔可以畀自己肥，而家我老公就鍾意街頭健身，玩人旗，好犀利！」
 
perFIT 由 perFACE 創辦人符芷晴女士領導
perFIT由perFACE 創辦人符芷晴女士領導成立，標誌著 perFACE 集團在醫學美容之外的進一步拓展。符芷晴女士表示：「我們很高興能夠推出全新健身品牌 perFIT，並再次邀請熊黛林擔任代言人。她的健康形象和積極生活態度與我們品牌的核心價值不謀而合。」

perFIT未來發展計劃
perFIT 有兩間健身中心在日前已對外開放，分別位於灣仔京城大廈及旺角荷李活商業中心，均已簽下長期租約，為會員提供穩定的健身服務及信心保證。健身中心將繼續為會員提供尖端設備與專業教練，幫助客戶實現個人健康目標。
perFIT 計劃於2025年上半年開設沙田分店，並已訂下發展籃圖；同時亦會引入更多近年大行其道的 Wellness 概念，幫助客人以更全面的方式管理健康，貫徹「完美體態  由我定義 Perfect Definition of Fitness」的理念。

關於 perFIT
perFIT 是 perFACE 醫美集團旗下的全新健身品牌，致力於為客戶提供專業、全面的健身服務，幫助每位客戶實現最佳的身心健康狀態。

關於 perFACE
創立於 2008 年的perFACE有16年歷史，母公司亮晴控股有限公司（股份代號：8603）於2018年成功於香港創業板上市，業務網絡遍及香港、澳門及北京。「幫人扮靚」是perFACE的興趣，亦是perFACE的專長，一直以來我們致力於精益求精，追求「靚得全面」。我們相信「靚」從來都是一個整體，一個人靚，是要由內靚到外、由外靚到內，把Fitness及Wellness加入我們的發展藍圖，是達至「靚得全面」的重要一步。🎉🎉🎉

#熊黛林##perfit##perface##香港##天下第一关文化# @熊黛林Lynn
 
  http://t.cn/Rxuk11z