一生成就又一解鎖！首個100公里
上年喺寧海跑完60公里，其實都講咗唔會考慮參加100，因為真係好辛苦，60公里都好辛苦，不過俾人叫一叫，心郁郁都試一試。

今次感受好深，始終無經驗，訓練少，開頭目標都係俾自己安全完賽，時間亦希望24小時內完成就已經滿意。最慘係平時習慣早起，早上7點起左床就一直瞓唔返，直到晚上9點起步。當然飲下Monster個啲就少不了。

到左凌晨，山頂上面應該得返2-3度，好凍！好彩有帶暖包，前一個後一個，夠做！太陽出黎都係得5.5度！不過中途啲補給站好俾力，有熱湯，粉面，我真係食足佢8餐！可樂飲左一年份量😂😂（其實都好少，平時都唔飲）

由六百幾人參賽，第500幾名起步，一直追前面，落斜就跑！終於追到269衝線。最難受係下午12點同尾2個checkpoint ，突然好眼瞓，無晒力，第一次食左粒提神補充丸，效果同偉哥一樣，如虎添翼！直到4點個轉，無野再食可以提神，都諗住收皮，因為已經一路行一路瞓著左😂😂😂😂
可能有個哥哥睇到我昏迷咁嘅樣，即係陪我傾計，先回返神！如果無佢，真係隨時要多2個鐘！

其實廿幾個鐘唔停咁跑，真係好悶😂一直都係看下風景，同人傾計，聽下歌。沿途山上農村小朋友都好熱情，衝出黎叫你加油！

仲有無下一次？168公里一定唔會諗！！！！

#越野跑##云丘山越野赛##云丘山utmb##云丘山utmb100km# http://t.cn/R2WxSE3