#過年#
年初二的廣州。
自小長大的街道
曾經的廣州有他的味道。
姑媽以前工作的理髮店係呢條街，
我出生的海珠區婦幼，都係呢條街。呢家搬左去寶崗了，
婦幼舊址，要上二樓的。
直到早幾年，我都依然懷疑，會唔會間醫院太落後，搞錯了，將我調包了，我本來係另一戶大富之家的孫女。
每日都等緊親生富翁父母來認番我。

有些人家的門前，依然會用各式花布掛係鐵門作為遮擋。
有一戶特別吸引我，因為佢播放緊好大聲又好特別的音樂，門同窗戶都用白色蕾絲布遮擋作為裝飾。傳統又洋氣。
裡面傳來香噴噴的炒菜煙火香，幻想到主人翁一直聽住音樂蹦迪，一直係廚房挪住鑊鏟悠然自得起舞了。

以前的鐵門每家每戶都有自己的特色，重遊故地，感覺好似台灣，台灣依然保留好多呢種騎樓，門戶亦如此。
唔同的係，廣州此番景象已經成為唏噓的罕有，而台灣依然保留很好的古早味。
以前呢度隔離街仲有阿姨係度做手工燈籠，真係佢自己設計，自己手作，用竹條編出來，騎樓下掛滿佢各式各樣的紙燈籠。
唔係呢家網絡鼓吹個d所謂的手工燈籠，其實係挪貨番來拼湊。
廣州的本地人一直被網絡視頻所誣陷，什麼人手一抽大鑰匙，著拖鞋出去收租，作為廣州人，乃至我身邊所認識的，都無一個係有租收的，都係普通打份工，住最普通的房改房，甚至自己的親人，就係住呢種最舊的房子，陰冷潮濕，屋內終日不見光，夏天悶熱，冬天冰冷。衣物只能坦蕩蕩晾曬於公家路上。
行過路過都係人地的褲衩。

走過佢哋的房子，又慨嘆，以前的審美真好。果個物質稀缺的年代雖然窮，但有認真對待自己的家門窗花。精神靈魂比呢家豐富。
屋內呆不住，便擔張椅子出來看人生百態，與鄰里閒話家常。