#全城一叮# 林子超与孖八双冠军做台主 曾志伟宣布开剧答谢全体参赛者

TVB才艺比拼节目《全城一叮》参赛者施展浑身解数，务求让观众留下深刻印象，㖊晚播出最后一集，由林盛斌（Bob）、冯盈盈担任主持，嘉宾评判为伍咏薇及蔡一杰，林子超与孖八（李俊华）获得《全城一叮》总台主，成为双冠军，真系可喜可贺。

招浩明上一轮大晒神级啤牌魔术，今次再下一城玩危险指数极高嘅劲爆“火魔法”，展现吞火绝技吸睛，令冯盈盈尖叫连连，而孖八以Popping演戏上阵，除衫再着衫，孖八以10分之差赢咗招浩明，佢同林子超更意外同分，二人获40分成为双冠军，冯盈盈同伍咏薇对结果感到兴奋又惊讶，Bob随即宣布二人就系《全城一叮》总台主。

曾志伟前来观战，更宣布开剧呢个好消息，更上台鼓励一众参赛者，佢先恭喜林子超同孖八，同埋感谢一众同事参与及倾尽全力演出，努力成果系有目共睹，指努力付出系应该有回报，希望开一部剧畀所有参赛嘅同事一齐拍，之后曾志伟颁发奖座给林子超同孖八以示鼓励。

孖八解释喺厕所构思咗呢个表演出嚟，坦言自己仍有进步空间，更承认有失手，佢为准备比赛少咗时间同爱女见面，呢日爱女有现身支持，见证爸爸得奖时刻，林子超称好开心可以同孖八分享呢个荣誉，原来佢哋系拍真人秀节《盛·舞者》认识，希望嚟紧多啲时间开工见面。

评判伍咏薇及蔡一杰赞众选手喺决赛进步咗好多，不过评分方面依旧严谨，主持阿Bob对林子超用两、三个礼拜学钢管舞留下深刻印象，冯盈盈称厉害到以为佢练咗几年，阿Bob觉得呢个节目畀到同事好大发挥，表演一啲同事想做嘅嘢。