同大家分享一件真人真事：

十幾年前，認識咗兩個朋友，佢哋本身係同事，
因為老闆威逼利誘，佢哋一齊參加咗個課程，
內容主要係訂立目標、認識自我、發展潛能嗰啲，
上完堂之後，我分別問佢哋兩個感覺如何。

A話：
「好正，個阿Sir超勁，真係學到好多嘢！」

B話：
「屌，悶到爆，又係講埋嗰啲雞精嘢，嘥時間！」

當時我覺得好神奇，點解同一件事，
兩個人嘅評語可以相差咁遠㗎呢？

今日，A係一間大機構嘅高級管理層，
而B，仍然喺同一間公司做同一個職位。

呢個世界，冇偶然嘅。

我只可以講：

「你係咩人，就會睇到咩嘢；
你係乜嘢人，就會得到乜嘢結果！」

#Bobtivation