རྒྱུན་དུ་བདེ་བ་མྱོང་འདོད་པས།། དགེ་སློང་སྡེ་ལ་མཆོད་པ་འབུལ།། སོ་སྐྱེས་དམན་པའི་སེམས་ཉིད་ཀྱིས།། རྒྱལ་བུ་སྲས་རྣམས་གཞལ་མི་བྱ།། དད་ལྡན་ཕོ་མོ་གང་ཞིག་གིས།། དད་པའི་སེམས་ནི་མང་བསྐྱེད་དེ།། མཉམ་དུ་དགེ་འདུན་མཆོད་བྱས་ན།། རྣམ་སྨིན་དཔག་ཏུ་མེད་པ་ཐོབ།། རབ་བྱུང་སྡེ་ལ་ལོག་ལྟ་བ།། ངན་སོང་གནས་སུ་ངེས་པར་ལྟུང་།། སྟོན་པའི་ཞལ་ནས་ཚངས་དབྱངས་སྒྲས།། བསྒྲགས་པའི་བདེན་ཚིག་བསླུ་བ་མེད།། རལ་གྲིས་ལྕེ་ནི་གཅོད་པ་དང་།། གཏུན་གྱིས་རང་ལུས་འཐག་བླ་ཡི།། སྐད་ཅིག་ཙམ་དུ་ཞེ་སྡང་གིས།། རབ་བྱུང་རྣམས་ལ་སྨོད་མི་བྱ།། ལྕགས་གོང་འབར་བ་ཟོས་པ་ཡིས།། ཁ་ནས་མེ་ལྕེ་མཆེད་བླ་ཡི།། སྤྲོས་བཅས་དམོད་པའི་ཚིག་དག་གིས།། རབ་བྱུང་རྣམས་ལ་བརྙས་མི་བྱ།། རལ་གྲི་རྣོན་པོས་རང་ལུས་ཀྱི།། ལྷུ་ཚིགས་ཤ་ལྤགས་གཅོད་བླ་ཡི།། བྱིས་བློ་རྡུང་རྡེག་འཕྱ་སྨོད་ཀྱིས། ། དགེ་སློང་རྣམས་ལ་བརྙས་མི་བྱ།། ལག་པས་མིག་གཉིས་དྲུས་ནས་ནི།། བསྐལ་མང་ལོང་བར་གྱུར་བླ་ཡི།། ཆགས་བྲལ་སྤྱོད་པའི་གང་ཟག་ལ།། ལོག་པའི་མིག་གིས་བལྟ་མི་བྱ།། དགོན་དང་འདུ་ཁང་བཤིག་པ་དང་།། རིང་སྲེལ་མཆོད་རྟེན་སྲེག་བླ་ཡི།། རྩུབ་མོའི་ཚིག་གིས་དགེ་འདུན་ལ།། སྐུར་བ་གདབས་པར་མི་བྱའོ།། མཆོད་རྟེན་བཤིགས་པས་རང་ལྟུང་ནས།། བསྐལ་པ་དཔག་མེད་སྡུག་བསྔལ་མ ྱོང་།། དགེ་འདུན་སྐྱོན་སྨྲའི་ཉེས་པ་ཡིས།། གྲངས་མེད་སེམས་ཅན་རྣམས་ཀྱང་ལྟུང་།། དེས་ན་མཁས་པས་ལེགས་དཔྱད་དེ།། དགེ་འདུན་སྨོད་པར་མི་བྱ་བར།། ངག་གི་ཉེས་པ་ལེགས་སྲུང་ནས།། ཚུལ་འཆལ་ཡིན་མིན་བརྗོད་མི་བྱ།། ཚིག་རྩུབ་ངག་གིས་དགེ་སྦྱོང་སྨོད།། དམྱལ་བའི་སྡུག་བསྔལ་བཟོད་མེད་མྱོང་།། ཐར་ནས་མི་ལུས་ཐོབ་གྱུར་ཀྱང་།། འོན་ལོང་ལྐུགས་པ་ཉིད་དུ་འགྱུར།། འཇིག་རྟེན་བླུན་རྨོངས་འགའ་ཞིག་གིས།། བཙུན་པ་བཙུན་མར་སྐྱོན་བརྗོད་པས།། ངན་སོང་གནས་སུ་ལྟུང་ནས་ནི།། བསྐལ་མང་སྡུག་བསྔལ་མཚོ་རུ་བྱིང་།། བརྩེ་ཆེན་སྟོན་པ་ཉིད་ཀྱིས་ཀྱང་།། དགེ་འདུན་རྣམས་ལ་གུས་ཕྱག་མཛད།། སངས་རྒྱས་རྣམས་ཀྱང་དེ་ལྟར་ན།། སོ་སོའི་སྐྱེ་བོས་སྨོས་ཅི་འཚལ།། འཇིག་རྟེན་དད་ལྡན་མང་པོ་ཡིས།། རབ་བྱུང་བཀུར་ཞིང་དད་ན་ཡང་།། དེ་ཡི་སྐྱོན་དག་ཐོས་པའི་ཚེ།། ལོག་ལྟ་སྐྱེས་ནས་སྤོང་བར་བྱེད།། དེས་ནི་སྐལ་ལྡན་དགེ་རྩ་འཇོམས།། རབ་བྱུང་སྡེ་ཡང་བརླག་པར་བྱེད།། བསྐལ་བཟང་སངས་རྒྱས་སྟོང་མི་མཇལ།། དེས་ན་མཁས་པས་བརྟག་པར་བྱ།།

常欲人中受乐者，　　亦当供养苾刍僧，
　　勿以凡夫下劣心，　　分别如来弟子众。
　　若有清信士女等，　　能于十念生信心，
　　平等供养苾刍僧，　　是人获得无量报。
　　若于僧中起邪见，　　当来定堕三恶道，
　　世尊亲自以梵音，　　金口弘宣诚不妄。
　　宁以利刀割其舌，　　或以捻杵碎其身，
　　不应一念嗔恚心，　　谤毁如来净僧众。
　　宁以吞大热铁丸，　　宁便口中出猛焰，
　　不应戏论以一言，　　毁骂出家清净众。
　　宁以利刀自屠割，　　残害支节毁肌肤，
　　不应戏笑调凡愚，　　何咒打骂苾刍众？
　　宁以自手挑两目，　　宁于多劫受生盲，
　　其于习行离欲人，　　不应恶眼而瞻视。
　　宁毁精舍及制多，　　宁焚七宝舍利塔，
　　勿于僧中出恶言，　　诽谤如来清净众。
　　毁塔之人自堕落，　　经无量劫受诸苦，
　　好说众僧短长者，　　自堕亦引无量众。
　　是故智者善思量，　　勿于僧中起轻慢，
　　善自防护口业非，　　莫谈此持彼犯戒。
　　若一恶言毁沙门，　　当堕泥犁受极苦，
　　从地狱出得人身，　　即招聋盲喑哑报。
　　世间多有愚劣人，　　谈说僧尼诸过恶，
　　因兹堕落恶道中，　　永劫沉沦没苦海。
　　大悲世尊礼大众，　　尊敬和合大德僧，
　　诸佛尚自致殷勤，　　何况凡夫轻慢众？
　　世间多有信心人，　　崇重世尊弟子者，
　　闻说三宝短长时，　　怨于僧中起邪见。
　　因此退败诸善人，　　毁坏如来清净众，
　　不见贤劫千世尊，　　是故智者应思忖。