古巨基尾場演唱會請來#张智霖[超话]#（#chilam# ）做特別嘉賓，Chilam穿上橙紅色西裝現身時掀起全場高潮，兩人合唱《現代愛情故事》。基仔大談與Chilam的淵源，他們沒有正式合作過，只是早年在勁歌金曲合作過，Chilam說：「我頭先聽你講係91年出道，原來你係我前輩。」基仔話：「唔係啩？」Chilam笑言真係估唔到，成日以為自己係佢前輩，他說：「我92年先入行。我又要即刻講句，我細細個聽你嘅歌長大，差你一年我未出唱片。」搞到基仔大笑。 

近兩年變熟落 

基仔坦言跟Chilam交朋友唔係咁多年，近呢兩年先特別熟落同了解對方，Chilam說：「通宵達旦成日一齊，我哋好多聚會嘅。」基仔找來一張兩人陳年舊照，兩人在無綫一個慈善節目中，披上白袍似羅馬鬥士造型，在工作人員拎出2塊白布幫他們披上身後，即席擺回呢個舊甫士。 

Chilam基仔都係「饑民」 

基仔表示呢兩年認識的Chilam同佢以前的印象唔一樣：「你以前畀我感覺係24小時都係靚仔，依家唔係少咗，係靚仔之外，佢仲係得意仔，我哋玩嘅時候，嗰啲笑聲都係佢引起。同埋佢係一個好錫老婆嘅人。」Chilam即說：「你都係吖！」基仔笑話：「係，我哋係有啲似。」又爆有次印象好深刻，Chilam到他家中玩樂，他的工人姐姐整咗啲雪糕出來，大家一路玩一路食，阿靚（袁詠儀）見住Chilam靜雞雞走去拎咗兩球，基仔即扮靚靚說話：「張智霖，你唔好食囉喎！」Chilam笑言：「係囉，我都唔明佢咩意思。」基仔笑言自己都面對咁嘅情況，Chilam深同感受：「我知，我都見過，古巨基都係冇嘢食，係一個饑民，所以我哋揀咗《現代愛情故事》一齊唱。」 

Chilam為呢樣嘢唔同基仔握手 

之後Chilam獨唱《歲如月歌》，唱前他指大家都好清楚古巨基的問題：「佢手汗係好大，頭先我都見到佢支咪有個套，呢樣嘢我體驗得最大就係同佢玩啤牌時候，大家玩啤牌咪正正經經揸住副牌咁樣睇囉，佢係要定住每一隻牌，我問佢做乜，係咪就要揭牌要贏，佢話唔係，手汗太大費是玩兩玩就霉晒，我可以證實佢手汗極大，所以頭先我都冇同佢握手。」逗得觀眾大笑。 

Cr: on.cc