【娛樂新聞】新劇《狩謊》香港盛大開鏡 靚靚低調避開開鏡儀式
.
內地演員成毅同袁詠儀（靚靚）合作嘅港風懸疑劇《狩謊》今日（3號）喺香港正式舉行開鏡儀式，現場場面盛大，唔少粉絲一早去到開鏡大廈樓下等候，氣氛十分熱鬧。

不過當日儀式就唔見袁詠儀現身，消息指佢會低調入組拍攝，因此冇出席今次開鏡活動。現場亦有香港藝人張頴康、內地演員肖順堯驚喜到場，監製兼主演曾志伟亦喺現場撐場。

《狩謊》係由《寒戰》導演陸劍青執導嘅犯罪心理懸疑短劇，屬於優酷重磅S+級港劇，全劇共18集。成毅飾演天才心理側寫師林彥廷，為咗角色佢提早一個月來港，專門練習粵語、體能，仲走訪警隊同心理專家體驗生活。劇集圍繞五年前一單爆炸冤案展開，講述成毅飾演嘅主角為父親洗脫污名，追查幕後真凶嘅故事，除咗成毅、袁詠儀之外，梁家輝、李若彤等資深演員亦有參演。 http://t.cn/AXoML3sx