事隔三年呢首寶貝終於出世，可以話係我提早送比自己嘅情人節禮物？

喺呢個時候release《愛琴海日記》可以話係最好嘅時機。兩年前有好多想講但係講唔出嘅嘢，所以喺《社畜完全體》去到《單身不會死》五首歌裡面，承載咗「自己唔寫俾自己就未必有機會出街」嘅聲音。

直到上年出完《蚊子血》之後，有位支持咗我好耐嘅女孩子 dm 問我會唔會出啲開心啲嘅歌（？）嗰刻個腦閃過呢首以為未必可以面世嘅遺珠。記得收到詞嘅時候同Wyman仲係未見過面，無傾過偈，我識佢佢唔識我嘅關係，所以歌詞裡面寫嘅樂觀又豁達的分手態度，應該係我俾佢嘅第一感覺？
雖然認識咗之後，我喺佢心目中多咗
「硬淨」同「剛烈」呢兩個形容詞，我也不否認自己唔鍾意俾人見到柔弱嘅一面，但係私底下對於情感上嘅斷捨離，我都係一個表面勇敢心底不太瀟灑嘅人，所以我很喜歡呢首沒有重量的歌。
當你勇敢放開唔適合自己嘅人事物，命運就會獎勵你獲得一個更好嘅自己。

感謝MV 女主角@蔡卓妍
我同佢喺MV裡面嘅角色同現實中係正正相反
能醫不自醫，就算點清醒都會有失去腦袋嘅時候
謝謝你，我的避風港

曾樂彤 《爱琴海日记》

作曲：徐浩 / GooChan
填詞：黃偉文
編曲：Cousin Fung / 徐浩 / 黃兆銘
監製：徐浩
主唱：曾樂彤 http://t.cn/AXq8mb5X